Benvidos ao blog do
colexio 'Maristas protexe aos animais'.
Neste curso 2018-19, seguimos un ano máis co proxecto sobre o coidado e protección dos animais
titulado ´ Os animais nosos amigos`. É un proxecto promovido pola Xunta de
Galicia, dentro do seu Plan Proxecta de ‘Protexe os animais’ a fin de fomentar
a concienciación do alumnado na protección e no respeto polos animais
domésticos.
A educación en valores é un dos obxectivos
principais no proxecto ‘PROTEXE OS ANIMAIS’ que permite traballar o respecto
aos animais, a solidariedade, o voluntariado e o compromiso coa Sociedade.
Axúdalles aos nosos alumnos a adquirir coñecementos, a desenvolver as
súas capacidades e crecer en valores a través do descubrimento de si mesmos,
dos demais, da natureza.
Pretendemos lograr dos nosos alumnos a confianza en si mesmos, o traballo
en equipo, a aceptación de responsabilidades, a creatividade, o desenvolvemento
do xuízo crítico, o sentido do transcendente..., ofrecendo, para isto, unha
educación verdadeiramente integral.
Ao longo deste curso iremos subindo actividades e obradoiros realizados no
centro escolar co alumnado e coordinadas polo profesorado do centro.
Esperamos que vos guste.
